Banda de Música de Sociedade Recreativa de Calo.

Unha das bandas referentes da nosa Comunidade Autónoma

A Banda de Música da Sociedade Recreativa de Calo é unha entidade musical con máis de tres décadas de historia, ofrecendo clases e actividades relacionadas coa música, tanto para os máis pequenos como para os adultos. Durante estes anos, a banda conseguiu un renome e prestixio que traspasou fronteiras, actuando en varios festivais de música internacionais como o Festival Interceltique de Lorient en Francia ou o Festival Internacional do Mundo Celta de Ortigueira

Creación da Banda

1984

A Banda de Música da Sociedade Recreativa de Calo nace no ano 1984 dentro da SR como un novo xeito de canalizar as inquedanzas culturais da veciñanza da parroquia Calo no Concello de Teo..

Primeiros pasos

1985

As primeiras clases de solfexo comezounas a impartir o profesor Gervasio Salgueiro nos primeiros anos da década dos oitenta. Baixo a súa dirección, a Banda de música da Sociedade Recreativa fixo a súa primeira actuación en público no ano 1985 contando con 25 músicos.

1989

Tras a marcha de Gervasio Salgueiro colleu a dirección da banda Fernando Lantaño no ano 1989 e tres anos máis tarde fíxose cargo da dirección Moncho López Couso, o actual director.

 

Primeira gravación e disco conmemorativo

1993

No 1993 a banda fai a súa primeira gravación baixo o título Primeiros pasos. Ademais colaborou noutra gravacións conxuntas con outras formacións da Sociedade Recreativa, entre as que destaca Para Calo, disco conmemorativo do 50 aniversario da dita Sociedade.

Inaguración de Tenerife

2002

Convidada a inaugurar, xunto con outras agrupacións, o Centro Galego de “O Médano en Tenerife”

VII Festival Internacional de Bandas Filarmónicas de Cascais

2005

En varias ocasións actuou no pais veciño Portugal. Entre elas destaca a participación no VII Festival Internacional de Bandas Filarmónicas de Cascais.

Actuacións en TVG e TVE

Varios anos

Ten actuado en distintos programas da TVG e TVE.
Participou de maneira exitosa en Encontros de Bandas en Santiago de Compostela e en festivais de bandas por toda a xeografía galega.

Festival Interceltique de Lorient

2011

Primeira banda de música de Galicia en participar no estival folk máis importante do mundo: O Festival Interceltique de Lorient, en Francia.